Termoizolimi është procesi i izolimit të ndërtesave për të reduktuar humbjen e nxehtësisë në dimër dhe për të mbajtur freski në verë, duke krijuar një ambient të qëndrueshëm, të shëndetshëm dhe energjikisht efikas brenda banesës apo objektit.
Por në praktikë, termoizolimi është shumë më tepër sesa “vendosje polisteroli në mur”. I realizuar si duhet, ai është një sistem i plotë mbrojtës i ndërtesës që ndikon drejtpërdrejt në faturën e energjisë, shëndetin e banorëve, jetëgjatësinë e godinës dhe vlerën e pronës.
Ky artikull bazohet në eksperiencën mbi 30-vjeçare të Izopack Austria, kompani që prej vitit 2008 operon në Shqipëri, mbi një bazë 15-vjeçare përvoje të mëparshme në Austri, me projekte të realizuara në pallate banimi, shtëpi private, objekte komerciale dhe institucione arsimore.
Pse termoizolimi është kaq i rëndësishëm për ndërtesat në Shqipëri?
Nga përvoja jonë në qindra projekte të realizuara në gjithë vendin, kemi konstatuar tre probleme madhore që përsëriten pothuajse kudo.
Humbje e madhe e energjisë
Ndërtesat e paizoluara nuk mbajnë ngrohtësinë në dimër dhe freskinë në verë. Si pasojë, familjet shpenzojnë më shumë për ngrohje dhe kondicionim, pa arritur komfort real dhe me fatura gjithnjë në rritje.
Lagështirë dhe myk
Muret e ftohta krijojnë kondensim, i cili me kalimin e kohës sjell myk. Ky nuk është vetëm problem estetik, por rrezik serioz për shëndetin, sidomos për fëmijët dhe të moshuarit. Pikërisht për këtë arsye, shumë pronarë kërkojnë të kuptojnë A e eleminon termoizolimi mykun dhe lagështirën përfundimisht?, një nga pyetjet më të shpeshta që marrim në praktikë.
Mungesë izolimi akustik
Shumë ndërtesa lejojnë depërtimin e zhurmave nga jashtë për shkak të mureve dhe fasadave të paizoluara, duke ulur ndjeshëm cilësinë e jetesës.
Si funksionon realisht termoizolimi?
Një ndërtesë humbet nxehtësi kryesisht përmes fasadës, çatisë, soletave, kolonave (urat termike), si edhe dritareve dhe dyerve.
Termoizolimi krijon një shtresë mbrojtëse të vazhdueshme që ngadalëson shkëmbimin e temperaturës mes brendësisë dhe ambientit të jashtëm. Kur zbatohet si Sistem Kapot (izolim i jashtëm), ai vesh të gjithë ndërtesën dhe eliminon pikat kritike ku zakonisht “hyn i ftohti”, gjë që izolimi i brendshëm nuk e arrin plotësisht.
Sa kursen realisht termoizolimi? (Rezultate konkrete)
Bazuar në projektet e realizuara nga Izopack Austria, termoizolimi i fasadës me Sistem Kapot sjell:
- deri në 40% kursim energjie
- eliminim të lagështirës dhe mykut
- temperaturë të qëndrueshme brenda shtëpisë gjatë gjithë vitit
Ky nuk është premtim teorik, por rezultat i verifikuar në terren nga klientët tanë.
Case Study: Termoizolimi i pallateve në Komunën e Parisit, Tiranë
Situata para ndërhyrjes
Tre pallate banimi në zonën e Komunës së Parisit ishin amortizuar ndër vite, me fasada të dëmtuara, humbje të larta termike dhe kushte jo optimale jetese për banorët. Në dimër ndërtesat nuk mbanin ngrohtësinë, ndërsa në verë krijonin ambiente të mbinxehura, duke rritur ndjeshëm konsumin e energjisë.
Zgjidhja
Administratorët dhe banorët u organizuan dhe aplikuan për Fondin e Komunitetit të Bashkisë Tiranë, i cili mbulon 50% të kostos së projektit. Pas procesit të përzgjedhjes, Izopack Austria u angazhua për realizimin e termoizolimit të fasadës me standarde të certifikuara. Ky model bashkëpunimi shpjegohet më gjerësisht te artikulli Termoizolimi i pallateve, bashkia financon 50%.
Rezultati
Ndërtesat përjetuan një rinovim të plotë estetik dhe një rritje të ndjeshme të eficiencës energjetike. Banorët raportuan përmirësim të menjëhershëm të komfortit termik dhe kushte më të shëndetshme jetese, duke përfituar qindra familje.
Ky projekt tregon qartë se termoizolimi nuk është thjesht një investim individual, por një zgjidhje komunitare me ndikim afatgjatë, si ekonomik ashtu edhe social.
Keqkuptimi më i madh: “Të gjithë polisterolët janë njësoj”
Një nga gabimet më të shpeshta që shohim është injorimi i dendësisë së materialit.
Miti se “të gjithë polisterolët e bardhë janë njësoj” është i gabuar.
Sekreti është te dendësia. Polisteroli me dendësi të ulët izolon më pak, dëmtohet më shpejt dhe çon në çarje të fasadës pas një kohe të shkurtër.
Për këtë arsye, Izopack Austria prodhon dhe rekomandon:
- EPS i Bardhë (F 80, F 100, F 120) – standard i sigurt për fasada
- EPS me Grafit (Neopor / Gri) – rreth 20% më shumë eficiencë me të njëjtën trashësi
Pse termoizolimi i jashtëm është zgjidhja më e mirë?
Izopack fokusohet kryesisht në Sistemin Kapot (izolim i jashtëm) sepse ai mbulon të gjithë strukturën e ndërtesës, eliminon urat termike, mbron muret nga lagështira dhe rrit jetëgjatësinë e objektit.
Izolimi i brendshëm përdoret vetëm kur nuk ka alternativë dhe nuk rekomandohet për pallate dhe shkolla, pasi nuk e zgjidh plotësisht problemin strukturor të humbjes së energjisë.
Gabimet më të rënda që duhen shmangur
Nga përvoja jonë praktike, gabimet kryesore janë zgjedhja e polisterolit me dendësi të gabuar, trashësia e papërshtatshme për zonën klimatike (3 cm për bregdet, 5 cm për klimë mesatare, 8 cm për zona malore) dhe aplikimi jo korrekt i sistemit (ngjitës, rrjetë, suva).
Këshilla jonë profesionale
Nëse do të bënit vetëm një investim për të kursyer energji dhe për të rritur vlerën e pronës suaj, investoni në termoizolimin e fasadës me Sistem Kapot dhe materiale të certifikuara.
Është investimi i vetëm që ju kthen deri 40% kursim energjie, eliminon lagështirën, rrit vlerën e pronës dhe përmirëson jetesën që në ditën e parë.